Biz kimik?

Kursumuzun əməkdar müəllimi Hüseynova Samirə Seyran qızının fəaliyyəti və uğurları haqqında qısa məlumat:  1971-ci ildə Naxçıvan Şəhərində anadan olan Samirə xanım, 1981-ci ildən  1№-li Uşaq Musiqi Məktəbində fortepiano sinfində təhsil almış və 1988-ci ildə həmin ixtisas üzrə Üzeyir Hacıbəyov adına Naxçıvan Musiqi Texnikumuna qəbul olmuş və buranı 1992-ci ildə bitirərək müəllim kimi fəaliyyətə başlamışdır. 2004-2008-ci illərdə  Naxçıvan Dövlət Universitetinin İncəsənət fakültəsində musiqişünaslıq ixtisası üzrə təhsil alan Samirə xanım müəllimlik fəaliyyəti ilə yanaşı 10 il müddətində Naxçıvan Televizya və Radiosunda Klassik musiqi haqqında müxtəlif səpgili iki adda 500-ə yaxın verilişin müəllifi və aparıcısı olmuş, müxtəlif zamanlarda DİM-in təşkil etdiyi MİQ imtahanlarının ikinci mərhələsində komissyanın tərkibində iştirak edən Samirə xanım Naxçıvan MR-nın ayrı-ayrı bölgələrində ustad dərsləri keçirmişdir. Samirə xanım 2020-ci ildə Naxçıvanın Əməkdar müəllimi fəxri adına layiq görülmüşdür.

Kursumuzun gənc müəllimi İbrahimov Sərvət Oqtay oğlunun fəaliyyəti və uğurları haqqında qısa məlumat: 2001-ci ildə Naxçıvan şəhərində dünyaya göz açmış Sərvət bəy ilk musiqi təhsilini tar aləti üzrə almış, amma Musiqi Nəzəriyyəsinə olan kəskin marağı sahəsində 2016-ci ildə Naxçıvan Musiqi Kollecində Musiqi Nəzəriyyəsi ixtisası üzrə I kursa qəbul olunmuş və buranı fərqlənmə diplomu ilə 2020-ci il də bitirmiş, elə həmin il Naxçıvan Dövlət Universiteti İncəsənət fakültəsi Musiqişünaslıq ixtisasına daxil olmuşdur. Təhsil illərində Sədərək rayon Uşaq Musiqi Məktəbində müəllim kimi də fəaliyyət göstərən Sərvət bəy. 2020-2023 -ci illərdə iki dəfə Heydər Əliyev və bir dəfə Üzeyir Hacıbəyli adına təqaüdə layiq görülmüşdür. Elmi-tədqiqat konfranslarında iştirak edən Sərvət bəy eyni zamanda müxtəlif illər ərzində bir dəfə ikinci, iki dəfə birinci yerə və  tədqiqatçı tələbə adına layiq görülmüşdür.